Түйіндеме
Аты- жөні: Өтегенова Нұрбибі Айсақызы
Туған жылы,айы,күні: 30 шілде 1979 ж.
Туған жері:Арал ауданы Сазды елді мекені
Бітірген оқу орны: Қызылорда Гуманитарлық
университеті 2008 ж.
Мамандығы: бастауыш сынып мұғалімі
Қызметі: бастауыш сынып мұғалімі
Жұмыс орны: № 220 қазақ мектебі
Еңбек өтілімі: 11 жыл
Санаты:
Мекен- жайы: Арал қаласы Момышұлы көшесі №24 үй
Тақырыбы: Ұстазы жақсының –ұстамы жақсы (сайыс)
Мақсаты: Оқушылардың ұстазына деген құрметін, білімімен, өнерімен,тапқырлылығымен,шапшаңдығымен көрсете білуге тәрбиелеу.
Көрнекілігі: слайд,мақал-мәтелдер,топшамалар,қима суреттер.
Барысы: Кіріспе бөлім:
Жүргізуші:
Жан шуағы, күн шуағы арай ма,
Ұстаз деген әулиедей талайға.
Басын иіп өткен жоқ па біз түгіл,
Әл-фараби, Омар Хаям, Абай да.
Жүргізуші:
Қайырлы күн, ұстаздар мен қонақтар!
Армысыздар, қазылар алқасы және сайыскерлер!
Жүректен өлең төгіп, қосқан жырға,
Тұлпардай топтан озған жүйрік тұлға.
Қошеметтеп, асыл халқым, қол соғындар,
Сайысқа қатысушы тұлғаларға.
1-жүргізуші:
Қатысушы ұстаздарды ,сүйікті шәкірттерімен ортаға шақырайық!
Ұстаздарым, биік тұлға байсалды,
Құшақ жайып, өз мерекең қарсы алды.
Куанышты жарқын тілек білдіріп,
Құттықтаймыз, ұстаздарым, баршанды!
Жүргізуші:
Кім жеңеді байқауда үміт алда,
Қобалжу бар, жүректе күдік барда.
Қазы алқасы атынды ақта,
Жүйріктерге арман мен бақыт жолда,- дей келе байқаудың қазылыр алқасымен таныс болыныздыр:
1. Жаймақова Жәмила
2. Сәдуақасова Венера
3. Үдербаева Құралай
Жүргізуші:
Ұстаздар, жан, анамдай аялаған,
Көлеңкелі бәйтерек саялаған.
Айналдық, мейрімді жүрегіңнен,
Шәкіртерден өз бақытын аямағанІ
сайыс бағдарламасымен таныстырып өтейік.
1) Таныстыру
2) Өнерлі өрге жүзеді(өнерлерін көрсету.)
3) Білім инемен құдық қазғандай
( Сурет құрастыру ,тапсырмалар орындау)
4) Тапқыр бол да , шешен бол.
( Жұмбақ шешу,шешуін 3 тілде айту, шешуіне байланысты мақал айту.)
5) Сұрақ –жауап
Жүргізуші:
Шақырып жарыстарға сан салалы,
Жетекшілер бәріңе жар салады,
Ту етіп достықпенен татулықты,
Сайыстың мүшелерін қарсы алады.-
деп өлең жолына қосып жырлағандай ұстаздардың білімді , тапқыр шәкірттерімен сайысын бастайық .
1-кезең. Таныстыру.
Әр сынып жетекшісі шәкіртімен бірге өз қалауымен таныстырады.
Жүргізуші:
Ұстаз болу жүректің батырлығы,
Ұстаз болу – сезімнің ақындығы,
Ұстаз болу – мінездің күн шуағы,
Азбайтұғын адамның алтындығы.
2-кезең. Өнерлі өрге жүзеді. «Өнер көрсету»
Жүргізуші:
Суарып ізгі тілекпен,
Жаныма менің гүл еккен.
Қиындықты бірге көрген,
Қымбатсың маған ұстазым!
3-кезең. Білім инемен құдық қазғандай . ( Сурет құрастыру, тапсырма орындау.)
Құрастырған суретке қарап есеп құрастыру немесе әңгіме құрау.
Жүргізуші:
Дана да басын иетін,
Дарынды шексіз сүйетін.
Жадымда мәнгі жүретін,
Қымбатсың маған ұстазым!
4-кезең. Тапқыр бол да, шешен бол. ( Жұмбақ шешу , шешуін 3 тілде айту, шешуіне байланысты мақал айту.)
1) Ақыл –ойдың шырағы,
Зәулім көктей шынары.
Биігіне бойлаған ,
Қанбайды адам құмары.( білім)
2) Өзім дыбыстардан тұрамын,
Әріптерден таңбаланып жазыламын. (сөз)
3)Бірде төмен ,бірде шығып жоғары,
Сөз — сөйлесең қозғалыста болады. (тіл)
4)Білімнің дәнін тереді ,
Балаға тәлім береді. ( ұстаз)
5)Білімнен мол сый –асы
Балғындардың ұясы. ( мектеп)
6)Төбеден төнеді,
Тамшысын төгеді.
Сол кезде қаулап ,
Бәйшешек өнеді. ( жаңбыр)
Жүргізуші:
Білімнің кәусәр бұлағын,
Жүресің құйып санама,
Біз үшін сенсің — мұғалім,
Ұстаз да, ғылым дана да.
5- кезең. Сұрақ –жауап.
№1
1) Дыбыс нешеге бөлінеді?
2) Қосуды немен тексереміз және қалай тексереміз.
№2
1) Дауыссыз дыбыстар нешеге бөлінеді ?
2) Азайтуды қалай тексереміз ?
№3
1) Зат есім дегеніміз не? мысал келтір.
2) Көбейтудің компонентерін ата және қасиеттерін ата?
№4
1) Етістік дегеніміз не? Мысал келтір.
2) Белгісіз көбейткішті қалай табамыз?
№5
1) Сын есім дегеніміз не? Мысал келтір.
2) Белгісіз бөлінгішті қалай табамыз?
№6
1) Сан есім дегеніміз не? Мысал келтір.
2) Белгісіз бөлгішті қалай табамыз?
Білімнің кәусәр бұлағын,
Жүресің құйып санама,
Біз үшін сенсің — мұғалім,
Ұстаз да, ғылым дана да.
Байқаудың қорытындысы шығарылып, жеңімпаздар мақтау қағаздарымен, сыйлықтармен марапатталды.
Өтегенова Нұрбибі Айсақызы,
№ 220 қазақ мектебінің бастауыш сынып мұғалімі,
Арал қаласы.