өзін-өзі тану

Сабақтың тақырыбы: «Дос болайық бәріміз» 

 

Мақсаты: Балалардың достық туралы ұғымын кеңейту және нақтылау. Достарға деген қарым – қатынасты  қалыптастыру,  достықты қадірлей білу,  бір-біріне көмек көрсету және қамқор болуға үйрету.

Көрнекі құралдары: жапырақтар, үнтаспа, , мультфильм.

 

Мұғалімнің сөзі:

Сәлеметсіңдер ме, балалар! Бүгін біздің сабағымызға қонақтар келді. Бүгін қандай керемет күн. Бұл күнді жақсы, қуанышты көңіл күймен өткізу үшін сендерді «Дос болайық бәріміз» атты  ашық сабағымыздың

 «Шаттық шеңберіне» шақырамын.

— Балалар біз барлығымыз шеңберге тұрдық, біздің шеңберіміз қандай тамаша! Бізді достық пен сүйіспеншілікке шақыратындай.

Армысың досым,

Кел, маған қосыл (қолымен шақырады).

Алақанға салып алақан,

Шеңберге бірге тұрайық (қолдарынан ұстайды).

Жер шарындай айналып,

Әлемге жарық ұқсайық (айналады).

Қолымызды көтеріп,

Күннің нұрын алайық (қолдарын көкке созады).

Ортамызда күн нұры,

Құшаққа оны алайық (құшақтасады).

-Балалар, бүгін біз «Адал достық» қаласына мейірімділік жолымен барамыз.

Мультфильм қосу «Ғажайыпстанға саяхат»

Осы қалаға менің сұрағыма жауап бергендер ғана кіре алады. Ал менің сұрағым осындай:

сендер достық дегенді қалай түсінесіңдер?  

ал айнымас досы бар адам – ең бақытты адам – дегенді қалай түсінесіңдер?

 — қандай достықты біз «адал» деп айтамыз?

Балалардың жауаптарын тыңдау  (таза, ашық, мейірімді,қамқор,сүюші, айнымас)

 

Ал енді сендерге «Екі дос»ертегісін оқып берейін

 

«Екі дос» ертегісі

Бір күні екі дос орманда келе жатады. Кенеттен алдарынан бір аю шыға келеді. Сол кезде біреуі қаша жөнеледі, екіншісі талға өрмелеп жасырынып қалады. Қашқан жігіт ортада қалып кетеді.

   Алайда, не істерін білмей тұрғанда, ойына «Өлген адам сияқты жерге етбетіммен жата қалсам, бәлкім құтылып кетермін» деп жерге жата қалады.

   Аю келіп оны иіскелей бастағанда демін жұтып, дем алмай жатады. Аю кеткен соң талға өрмелеп кеткен досы төмен түсіп, досының қасына келіп, күліп: «Айтшы ал, аю сенің құлағыңа не деп сыбырлады?» дейді.

Сонда досы:  «Досына қауіп-қатер төніп тұрғанда қашып кеткен адамдардан сақтану керектігімді, айтты» дейді.

-қалай ойлайсыңдар бұлар адал дос па?

Жаңа ақпарат

Айнымас дос деген адал дос деген түсінікті де береді. Досы уәдесіне берік болса, қандай жағдайда да досымен бірге болса, қолынан келген көмегін аямаса, оның көңілін көтеріп жабырқағанда қасынан табылса,ол әрине айнымас дос. Балалар достықтың екі түрі болады екен. Біріншісі –адал достық,  екіншісі айнымалы алдамшы достық.

Біздер сол екі достықтың қайсысын таңдаймыз. Олай болса балалар бір – бірімізге адал дос болайық.

 

Сыныппен жұмыс: Мына дәйексөздердің ішінен біздің сабағымызға келетінін таңдап алайық

 

Жақсы жолдас – жанға серік,

Жаман жолдас – малға серік.

 

«Татулық – достық кепілі»

 

Достық малға емес, басқа жарасады,

Нағыз дос бір-біріне шынайы қарасады.

                                               Амандық шешен

 

 

Тыныштық сәті

 

—  Ал, енді көздерінді жұмып отырындар, мен әдемі  әуен қоямын, ал сендер оны тыңдап өз достарыңа  қандай жақсылық жасағандарыңды естеріне түсіріңдер.

 

Балалар әуенді тыңдап, өз ойларын айтып береді. Сендер бір-біріңнің жауаптарыңды тыңдадыңдар, ал енді айтыңдаршы

 

—   Сендердің араларында қай баланы «Адал дос»  деп айтуға болады? Неліктен олай ойлайсындар?

 

-мінеки, біз «Адал дос » қаласына кірдік, өйткені сендерде барлықтарында ашық, мейірімді, жылы, аялы, қамқор  жүректерің бар.

 

-Сендердің жауаптарыңды  тыңдап, сендерде шынында адал дос  болатындарыңа  көзім жетті.

 

Мына жағдаяттарды талдап көрейікші

 

1.Сырым мен Дина дос болатын.  Бірде Сырымның лақтырған добы Динаның басына барып тиді. Сырым добын домалатып теуіп ала жөнелді.
 Жанар мен Сырым шын достар деп, айтуға бола ма? Неліктен? Олардың достықтары қалай жалғасады деп ойлайсыңдар?

 

 

2. Сен асығып барасың, ешқандай кешігуге болмайтын кездесуің бар. Досың саған тез келіп кетші, бір жағдаймен өте қатты қысылып тұрмын деді. Сенің әрекетің.


3. Екінші сынып оқушылары арасында өткізілетін «Өнерге қанат қаққандар» атты жарысқа достары Әлиханды ұсынып, үлкен сенім артты. Жарыс болатын күні Әлихан сабаққа келмей қалды. Олардың сыныптарынан жарысқа ешкім шықпады.    
Әлиханның бұл ісіне көзқарастарың қандай? Сендер оның орнында болғанда не істер едіңдер?

 

 

Періште келеді:

Саламатсыңдар ма балалар! Мен орманнан келген періште қызбын. Орманда көлеңкесінде саялайтын мәуелі ағашым бар еді.Сол ағашымның қатты желден жапырақтары түсіп қалыпты. Сол жапырақтарды қайта орнына жапсырайын деп едім, жапырақтағы тапсырмаларды орындауға жалғыз өзімнің шамам келер емес. Тапсырмаларды орындасуға достар іздеп келіп едім. Маған көмектесесіңдер ме балалар?

(періште қыз балалармен достасады)

Жапырақтар тапсырмасын орындау:

Әдептілікті кімнен үйренеміз? (данадан)

Дана деген кім? (көпті көрген қария)

Мейірімділікті кімнен үйренеміз? (анадан)

 

Мақалды жалғастыру:

Жақсымен жолдас болсаң,

(Жетерсің мұратқа.)

Жаманмен жолдас болсаң,

(Қаларсың ұятқа

Жүз сомың болғанша,

(жүз досың болсын).

 Балалар, ал сендер достық, мейірімділік, махаббат туралы тақпақтар білесіңдер ме? Періште қызға кім айтып береді?

Тақпақтар

Балдырған баламыз,

Досты көп табамыз,

Қашан да, қай да

Сенімді болмыз.

Балдырған балалар,

Достықты бағалар,

Есіңе сақта, адал бол, шыншыл бол.

Өтірік айтпа, сөзіңнен қайтпа.

Дос дегенің өмірдегі – тірегің,

Дос дегенің кеудеңдегі жүрегің,

Егер досың адал ниет жан болса,

Орындалар армандаған тілегің!

Дос жүрегі қашанда аңсағаным,

Солармен қосылып ән саламын.

Ақ пейілді аңсаған достарымды

Қуанышпен күлімдеп қарыс алам

 

Мейірімділік-асыл қасиетіміз,

Жүректегі таза ақ ниетіміз.

Жан дүние кілті,

Шаттық пенен күлкі.

Биік ұстап соны,

Қадірлейік біз!

Адамзатты аялаған ақ арман,

Барлық ғалам махаббаттан жаралған.

Өмір-өзен сан тарапқа ақса да,

Жақсылықтан шуақ алып, нәр алған.

Махаббаттың тоймай ішіп дәміне,

Адамзаттың талмай айтар әні ме?

Өзіңді де өзгені де сүйе алсаң,

Жете аларсың махаббаттың мәніне

Періште қыз: Балалар біздің достығымыздың арқасында барлық тапсырмаларды орындадық. Енді осы ағашқа ат қояйық. Ағашқа ат қою. «Достық ағашы»

Адал достыққа тән қасиеттерді тауып айтыңдар.

 


—  Қуаныш                                  

—  Өзара сыйластық

—  Еңбек

—  Шыншылдық

—  Сүйіспеншілік

—  Мейірімділік

—  Кешірімділік

—  Күлкі

—  Оқу

—  Өзара көмек

—  Сұлулық

—  Түсіністік

—  Қамқорлық

—  Адалдық

—  Әдептілік

—  Жауапкершілік

— Салмақты

— Кек сақтамау

— Төзімді

— Өтірікші

— Тәртіпсіз

— Мақтаншақ

— Жалқау

— Төзімсіз


 

 «Жүректен жүрекке» шеңбері

Періште:

— Мен сендерге мына кішкентай сиқырлы жапырақтарымды сыйлағым келіп тұр. Сендер өз жақындарыңа, достарыңа ақ тілектеріңді айтып, жапырақтарыңды мына сиқырлы сандықшаға салыңдар.

Балалар:

— Менің ата-анам әр қашан бақытты болсын

— Менің достарым көп болсын

— Достарым ауырмасын

— Ата мен әжем ұзақ өмір сүрсін т.с.с.

Мұғалім:

— Өте жақсы тілектер айтылды. Осы тілектер орындалу үшін, сиқырлы сөздерімізді айтайық.

Сандығым менің ашылар,

Куаныш ішінен шашылар.

Тілегіміз біздердің,

Бар әлемге таралар.

(сандықтың ішінен гельді шарлар ұшып шығады)

Мұға

Добавить комментарий

өзін-өзі тану

Мейірімділік асыл қасиет

Мейірімділікті анадан үйрен.

Халық даналығы

Мақсаты: Балалардың «мейірімділік», «қайырымыдылық», «құндылықтары туралы түсініктерін кеңейту.

Міндеттері:

—         мейірімділіктің адам өміріндегі маңыздылығын түсіндіру;

—         өзара сыйластық қарым қатынастарын дамыту;

—         мейірбандылыққа тәрбиелеу;

Көрнекі –құралдар: дәптер, жүрекшенің үлгісі, тауық пен балапандардың суреті.

Балалар, біз седермен бүгін бір ғажайып елге  саяхатқа барамыз ол қандай ел екенін маған сендер айтатын боласыңдар.

-Жарайма!

Шаттық шеңбері

— Балалар, қолдарыңды жүрек тұсына бір сәт қойып, дүрсілін тыңдап көріңдерші. Сендердің жүректерің мейірімге, қайырымға, махаббатқа, жылы сезімге толы. Адам бойындағы бар жылу мен мейірім жүректен шығады. Енді осы жүректен алған жылуымызды түсіріп алмайтындай қимылмен (қолымызды бірден төмен түсірмей, оң жағымызда тұрған баланың сол қолын қысайық) бір –біріміздің қолымызды қысайық, осылайша жүрек жылуын бір-бірімізбен бөлісейік .

Әңгімелесу

—         Мейірімділікті қалай көрсетуге болады?

—         Өздеріңе мейірімділік көрсеткен кезде қандай сезімге бөлендіңдер?

—         Жақсы көретін жан-жануарларың бар ма?

—         Табиғатқа қамқорлық жасаған кездерің болды ма?

Тыныштық сәті

     Балалар, мейірімділік сезімін сезіну мақсатында тыныштық сәтін ұйымдастырайық.

Денелерімізді түзу ұстаймыз, бастарымызды жоғары көтеріп, ыңғайланып отырамыз. Көздеріңді жұмсаңдар да болады. Ауаны терең жұтып, еркін тыныстаңдар, денелеріңді бос ұстап, айналадағы барлық тіршілік иесі сендерді аялап, қоршап, қамқор болып жатқанын сезініңдер. Тұла бойларыңа махаббат, жақсылық сезімі толып жатыр соны сезінеміз.

 

Мәтінмен жұмыс

         Күздің бір күні сары тауық балапандарын ертіп, ауылдан ұзап кеткен. Аяқ астынан жаңбыр құйып кетті. Суық жаңбырдың астында қалған сары тауық балапандарын қанша асықса да мекеніне жеткізе алатын емес.

         Өйткені балапандарының жылы  жүні  әлі шықпаған балғын жас еді. Сары тауық қатты састы. Шөжелерін қос қанатының астына алып, бауырына басты. Бір балапаны сыймай сыртта қалды. Ана айла жасап, балапандарын кезектестіріп бір-бірден  тыста ұстап, тоңа бастаған кезде бауырына алып отырды. Кезек ең кенжесіне келгенде ана оны сыртқа шығармады.

— Оны неге шығармайсыз? – деп сұрады бір ақ балапан

— Ол тым жас.

— Жас болса қайтеді? Кезегі келгенде ол да шықсын.

— Сырқаттанып қалады. Кішімізге өзгеміз қамқоршы болуымыз керек емес пе? Кәне, мұның орнына кім барады?- деп сұрады анасы.

— мен- деді тұңғышы.

— Мен барайын! — деді оған тетелесі.

— Кезекті маған беріңіз! – деді ең кішісі.

— Мен қалам ба сонда?- деді алғашқы қарсылық білдірген ақ балапан.

— Қатесін түсінген сен барғаның жөн! –деді сары тауық балапанды тысқа қарай ысырып.

— Сары тауық су өтіп қатты жаурады. Бірақ балапандарын тондырған жоқ. Балаға деген ыстық махаббатымен жылытып, сақтап қалды.

Күн ашылып, ана жүрегіндей жадырады.

Сұрақ қою

—         Сары тауық өз аналық мейірімін қалай көрсете білді?

—         «Күн ашылып, ана жүрегіндей жадырады» дегенді қалай түсінесіңдер?

—         Ал сендер мейірімділікті, қайырымыдылықты кімдерден үйреніп жүрсіңдер?

—         Сендер мейірімділік танытқан кезде қандай сезімге бөлендіңдер?

Балдалардың жауаптарын тыңдаймыз

Дәйексөз

Әңгіме мазмұны бойынша туған ойлар дәйексөзбен түйінделеді

—         Ана халық ұғымында жаратушы. Олай дейтінім табиғатты да, адамды да дүниеге әкелуші ана. Ал барлық нәрсенің дүниеге келуі үлкен мейірім мен шапағаттан басталады. Табиғаттың барлық жанға бірдей болуы сондықтан. Адамның да ананың кіршіксіз мейірінен берілген мейірімділігінен сақтап қалуы өз қолында.

Ойын

         «Мейірімді жүрек» ойыны ұйымдастырылады

Ойынның шарты: Балалар үлкен шеңбер құрып отырады. Ойын бастауышы жүрекшенің үлгісін қолына ұстап тұрып:

«балалардың мейірбандық жүрегі, адамдарға бақыт шаттық тіледі» — деп айтады

Басқа балалар да осы өлең жолдарын қайталап айтады да, қасындағы көршісіне оның жақсы қасиетін  білдіретін сөздерді айтып жүрекшені ұсынады.

Жаңа ақпарат

Балаларға мейірімділік сөзінің мағынасын түсіндіремін. «Адамдар бір-біріне, туған- туыстарына, табиғатқа деген жанашырлық сезімін, қамқорлығын  білдіріп, тек жақсылық ойлау, игілік жасау арқылы мейірімділік таныта алады.»

 

Ал енді келесі тапсырмаларды орындайық

Тапсырма:

Суреттерге қараңдар.  

—         Сен досыңмен келе жаттың. Кенет сендердің қасыңнан өте бергенде бір қыз бала аяғы тайғанап құлап қалды. Сен не істер едің.

—         Сен мектептен келе жаттың кенет көшеде бір топ баланы көрдің. Олар  суға түсіп кеткен  кішкентай күшікке тас лақтырып жатыр екен сен не істер едің?

— Үлкен кісі мен сырқат адамға қандай жақсылық жасауға болатыны туралы айтыңдар

 

Дәптермен жұмыс

1-   Тапсырма

Өздеріңді жақсы көретін адамдарың туралы жазыңдар немесе суретін салыңдар

2-   Тапсырма

«Ана-деген кім?» сұрағына жауап жазыңдар

3-   Тапсырма

«Мен мейірімді баламын» тақырыбында өздерің жасаған ізгілік істерің туралы шағын әңгіме құрастырып жазыңдар.

Қортындылау

Қазақ халқында мейірімділік, қамқорлық, жақсылық  туралы көптеген мақал мәтелдер бар. Біз қазір сол мақал- мәтелдерді дұрыс құрастырып көрейік.

 

 Жүректен- жүрекке

Балалар шеңбер құрып тұрады. кезегімен мынадай сөздермен айтып жеткізеді

 

Ойын «Мейірімділік жібі»

—         Енді біз « Мейірімділік жібі » деген ойынымызды  бастаймыз.

Шарты: Сендер дөңгелене жайғасып отырыңдар. Мен мына қолымдағы жіп орамын қасымда отырғанға беремін, жәй бермеймін, Кімнің немесе ненің мейірімді екендігін айтып беремін. Ал сендер болса, дәл осылай келесі балаға бересіңдер.

(Балалар бір-бірлеріне жіпті беріп, тілектер айтады. Ақырғы бала жіп орамын тәрбиешіге беріп,өз тілегін айтады)

 

— Күлімдеген- күн мейірімді!

— Кіршіксіз ақ қар мейірімді

— Таза мөлдір су – мейірімді!

— Бәрімізіді көтеріп тұрған жер мейірімді!

— Аяулы анам мейірімді!

— Қадірлі әкем мейірімді!

— Әлпештеген әжем мейірімді!

— Еркелеткен атам мейірімді!

— Жылы жүзді ұстазым мейірімді!

— Тату-тәтті достарым мейірімді!

— Егіні мол жер мейірімді!

— Қамқор апам мен ағам мейірімді!

-Балалар кәнекей, қолымызды жоғары көтерейік. Жіп орамы арқылы біз тілегіміз бір болып, бір тұтас болғанын көріп отырмыз. Біз әрқашанда біргеміз. Жақсы істер жасауға дайынбыз.

 

Үй  тапсырмасы

 Дәптерде   төмендегі сұрақтарға  жауап жазу

1.Айналаңдағы  адамдарға  қандай  жақсы  тілектер айтып  жүресіңдер?

2. Өз бойыңдағы жақсы  қасиеттерді  санамалап  жазыңдар.

3. Қандай  жағымсыз қылықтардан  аулақ  жүруге  тырысасыңдар?

Жүректен жүрекке

Қолдарыңдағы жүрекшелеріне

-Ата-анасына, туыстарына, достарына, жақындарына, қоршаған ортаға деген сүйіспеншілік  сезімдерін жақсы  тілектерімен  білдіреді.

 

—         Мейірімді анама ұзақ ғұмыр тілеймін.

—         Кең пейіл далама тыныштық тілеймін.

—         Өнерлі балаларға талмас қанат  тілеймін.

—         Талапты достарыма табыс  тілеймін.

—         Сыныптастарыма  амандық тілеймін.

—         Отбасыма  бақыт  тілеймін.

 

Ал енді сабағымызды  ең мейірімді жан туралы әнмен аяқтайық

  «Мичурин орта мектебі» ММ

 Сабақтың тақырыбы:

 

Мейірімділік асыл қасиет

Өткізген:

бастауыш сынып мұғалімі Кукеева О.И

 

Добавить комментарий

Бәрінің бастауы махаббат

Өзін-өзі тану

Тақырыбы: Бәрінің бастауы махаббат.

Мақсаты:махаббаттың рухани құндылық ретіндегі ұғымын кеңейту;

қатысушылардың өздерін махаббат көзі ретінде қабылдауын қалыптастыру.

Міндеттері:

—          мейірімділіктің адам өміріндегі маңыздылығын түсіндіру;

—          өзара сыйластық қарым-қатынастарын дамыту;

—          мейірбандыққа тәрбиелеу.

Көрнекі құралдары: үнтаспа, бейнефильм.

Өзін-өзі тану

Тақырыбы: Бәрінің бастауы махаббат.

Мақсаты:махаббаттың рухани құндылық ретіндегі ұғымын кеңейту;

қатысушылардың өздерін махаббат көзі ретінде қабылдауын қалыптастыру.

Міндеттері:

—          мейірімділіктің адам өміріндегі маңыздылығын түсіндіру;

—          өзара сыйластық қарым-қатынастарын дамыту;

—          мейірбандыққа тәрбиелеу.

Көрнекі құралдары: үнтаспа, , бейнефильм.

Амандасу.

— Біздің бүгін жиналғанымыз қандай тамаша. Біз сіздерді көруге қуаныштымыз. Сіздерді махаббат шеңберіне шақырамыз.

— Келіңіздер, тағы бір рет амандасайық.

Жан-жағына нұр шашып

Арайлап жарқын таң атса,

Жер бетінде жайқалып,

Көгеріп өссе көк майса,

Жүрегім жыли бастайды.

Оралғанда сапардан

Алдымнан жақын жан шықса,

Кездескенде достарым

Құшағын маған кең ашса,

Жүрегім жыли бастайды

Шаттық шеңбер

Күннің нұры алтын

Махббат шеңбері менімен.

Махаббат шеңбері сенімен.

(екі қолмен жүрек салып, ыммен көршімізге көрсетеміз)

Махаббат менде,

(жүрек суретін салып, екі қолмен өзімізді көрсетеміз)

Махббат айналада,

(қолмен шеңберлі қозғалыстар, алақандары өзіне қаратылған)

Махаббат барлық жерде.

(қолмен шеңберлі қозғалыстар, алақандар өзінен жоғарыға)

Жаңа ақпарат

—          Балалар бүгінгі біздің өнеге сағатымыздың аты «Бәрінің бастауы махаббат» деп аталады.

—          Әрбір адам өзіне , ата-анасына, Отанға, туған еліне сүйіспеншілкпен қарайды. Ыстық ықылас, шынайы сүйіспеншілік махаббат сезімін тудырады. Әлемдегі бар жақсылық махаббат арқылы келеді.

—          Балалар махаббат әр адамның жүрегінде өмір сүреді. Махаббатты адамның көзінен көруге, іс-қимылынан тануға болады.

Адам жүрегі махаббатқа, сүйіспеншілікке толы болса ғана мейірімділік, адалдық сияқты асыл қасиеттер үнемі байқалып тұрады. Өмірді сүю, Отанды, туған жерді сүю, білімге құштарлық та сүйіспеншілікке байлансыты болады.

—          Сендер шыр етіп дүниеге келгенде ата- анаңның қуанышында шек болмады. Ал сендер алғаш рет сәби жүректеріңмен анаңның аялы алақанын, мейірленген махаббатын сезіндіңдер. Сондықтан да барлық жақсылықтың негізі осы махаббаттан басталып, адам жанын нұрға, көңілін қуанышқа бөлейді.

Ана

-Балалар, ал осы анаға деген махаббат сезімін барлық балалар сезінеді ма?

Өкінішке орай біздің кезімізде ана махабабатысыз, ана қамқорысыз қалған балалар да баршылық. Бірақ осы балаларды өз қамқорлығына алып оларға өзінің бар сүйіспеншілігін, махаббатын, мейірімділігін сыйлан білген жандар да бар.

— Ол кімдер деп ойлайсыңдар?

—          Ия, дұрыс, ол осы «Өзін-өзі тану » рухани адамгершілік білім беру жобасының авторы Сара Алпысқызы Назарбаева 12 ақпан күні 70 жасқа толды. Сара Алпыс қызы Назарбаева 1941 жылы 12 ақпан күні Қарағанды облысының Қызыл- жар ауылында дүниеге келген Қарағанды металургия комбинатының Сара Алпысқызы Назарбаева «Бөбек» қоры арқылы мыңдаған жетім және мүмкіндігі шектеулі балаларға, көп балалы отбасыларына қолдау және көмек көрсетіп келеді.

1994 жылдың маусым айынан бастап " SOS -атты балалар ауылының президенты"

1999жылдың наурыз айынан "Демография атты қордың торайымы

көптеген кітаптардың авторы

2001 жылдың желтоқсан айында Жетім және мүмкіндігі шектеулі балаларға көрсеткен еңбегі үшін 1дәрежелі Достық Орденімен ,

2003 жылы Шыңғыс Айтматов атындағы алқамен марапатталды

Сара Алпысқызы Назарбаева туралы біздің тілшімізідің бейнематералынан

Тәрбиеші:

-Балалар, бүгін Сара апайымыздың туған күні. Сондықтан барлығымыз Сара апайға деген өз тілегімізді айтып шығайық.

Балалар өз қалаулары бойынша тілектерін айтып өтеді.

1-оқушы «Күндей шалқып күлгенің,

Шаттығыңның нұры ғой.

Шат боп өмір сүргенің,

Заманыңның сыры ғой.

2- оқушы Сенің нұрлы жүзіңнен,

Көрем бақыт,өмірді.

Сенің әрбір сөзіңнен,

Күй естілер көңілді.

3- оқушы «Сара апамыз-анамыз, өз анамыз,

Ертең апай атынан сөз аламыз.

Қасиетті,қамқоршы жүрегіңнен,

Жақсылығын өмірдің сезе аламыз.

4- оқушы «Апай жаны-жасыл тау, дала таңы,

Мекенімдей мейірім алақаны.

Сәбилердің жетілсін қанаты деп,

Бізге құдай берді Сара апайды.

1. Балалар, сендерге Сара Алпысқызы Назарбаеваның өмір- баяны ұнады ма?

2. Сендер Сара Алпысқызы Назарбаеваға Нобелев атындағы сыйлықты табыс етермедіңдер?

Сергіту сәті

Ойынның мақсаты: тез ойлау қабілеттерін жетілдіру, тәуліктің әр уақытында не істейтіндері туралы білімдерін жетілдіру.

Керекті заттар: доп

Ойын барысы: тәуліктің әртүрлі бөліктері жөнінен балалардың білімдерін бекіту мақсатымен мұғалім әңгіме жүргізеді. Балалар өздерінің таңертең, түсте, кешке не істейтіндерін естеріне түсіреді.

Мұғалім тәуліктің әртүрлі бөліктерін атай отырып, балаларға ойынды ұсынады. Мысалы: мұғалім бір балаға допты беріп «Таңертең» десе, допты алған бала оянамыз, жуынамыз деп жауап береді. Содан кейін допты екінші балаға ұсынады. Ол бала жалғастырып шашымызды тараймыз, тісімізді тазалаймыз десе келесі бала жаттығу жасаймын, мектепке барамын деп жауап береді. Шатасқан бала ойыннан шығып, допты келесі ойыншыға береді. Осылайша күндіз, кешке, түнде не істейтіндерін айтып, ойынды жалғастыра береді. Шатаспай дұрыс айтқан балалар жеңіске жетеді.

Сыныппен жұмыс: Мына дәйексөздердің ішінен біздің сабағымызға келетінін таңдап алайық

Тыныштық минуты.

Ақырын музыка естіледі — саксафон.

— Ал енді біз сіздерге өзіңізбен жалғыз қалуларыңызды ұсынамыз…

Жайғасып отырыңыз, көзіңізді жұмуыңызға болады.

— Махаббат – дүниені жарықтандыратын нұр деп елестетіңіз.

Осы жарықтан адамдарға ыңғайлы да жылы болады. Олардың жүректерін қуаныш сезімі толтырады. Адамдар ән айтады, бір-біріне жылы сөздер айтады.

Махаббат – адам өмірін ерекше мәнмен толтыратын сезім. Сүйетін адамның көзқарасы жылы.

Өзіңіздің жүрегіңіздегі махаббаты сезініңіз. Махаббатың осы жарығын өз жақындарыңызға жіберіңіз. Олар сіздің махаббатыңызды сезінсін. Оларға ойша барлық істе табыстылық тілеңіз.

— Өзіңіз жақсы көретін адамдарды атаңыз? (5-6 адам).

«Асыл анам» тақырыбында эссе жазу

-Балалар,біз Сара апайға деген тілектерімізді тіледік ,енді сурет арқылы сыйлық жасайық.

Балалар ақ парақ бетіне Сара апайға арнап сыйлық ретінде өз ойларынан сурет салады.

Жүректен жүрекке:

Өнеге сағаты соңында балалар адамдарға, айналасына мейірімді екендіктерін жылы сөздері арқылы білдіреді.

Оқушылар сабақ соңында өздерінің жүрек түпкіріндегі жылы сезімдеріне ризашылықтарын білдіреді. Оқушылар оң қолдарымен жүрек тұсын ұстап кезегімен мынадай сөйлемдер айтады:

—          — Менің қайырымды жүрегіме рахмет!

—          — Менің мейірімді жүрегіме рахмет!

—          — Менің жылы жүрегіме рахмет!

—          — Менің жүрегімнің адамдарды жақсы көргеніне рахмет!

—          — Менің жүрегімдегі жақсы көру сезіміне рахмет!

—          — Менің жүрегімнің қуана білетініне рахмет!

—          — Менің жүрегімнің жанашырлығына рахмет! және т. б.

Ән:Әрқашан күн сөнбесін.

Қоштасар алдында Сара апайға не айтамыз?

Балалар:

-Рахмет бақытты балалық шаққа.

Добавить комментарий